Composición da Mesa Negociadora:

Logo de varios meses de negociación, de encontros e desencontros, podémosvos dicir que comezamos a obter os primeiros resultados positivos.

Como xa tiñamos comentado os contidos da negociación son:

Aínda que negociamos cada unha das partes separadamente, temo-lo compromiso de acadar un ACORDO GLOBAL, polo que o final do proceso poden producirse variacións sobre os acordos parciais sempre que permitan mellorar o incremento da masa salarial consolidable.

Na ACTA, que podedes consultar nesta mesma web, está reflectida a primeira parte dos acordos acadados relativos ós criterios para o cálculo da paga de productividade e o inicio do Plano para avaliación da calidade dos servicios da Universidade de Vigo.

Para o cálculo da paga de productividade que percibiremos a partir do ano 2002, utilizaranse dous criterios, unha parte fixa, resultado de cálcular a perda do poder adquisitivo no período 1998-2000 actualizada co IPC que corresponda a cada ano por niveis ou categorías, segundo se trate de persoal funcionario ou laboral, e unha parte variable e igual para tódolos membros de cada unha das unidades, en función do grao de cumprimento dos obxectivos acordados entre estas e a xerencia. Como salvagarda garántese, para os funcionarios con niveis de complemento de destino iguais ou inferiores ó 20, e os laborais pertencentes ós grupo IV e V, que o incremento neto de masa salarial o final do proceso negociador debe ser superior ás contías percibidas polo persoal funcionario, en concepto de productividade, no ano 1999, para os grupos correspondentes do reparto de dita productividade.

Este primeiro acordo permite inicia-la negociación da segunda parte, isto é, a homologación e homoxenización das retribucións do conxunto do persoal de administración e servicios, na nosa opinión de maior interés, pois as variacións que se produzan son consolidables.

Por último, convidámosvos a participar nas XORNADAS SOBRE A CALIDADE DOS SERVICIOS UNIVERSITARIOS que como xa ten comunicado o Servicio de Recursos Humanos celebraranse os días 13 e 27 de setembro no Paraninfo do Rectorado e no Salón de Actos da Facultade de Ciencias Económicas respectivamente.

As conferencias serán impartidas o día 13 por:

José Manuel Villanueva, Vicexerente da Universidade de Compostela

José Joaquín Mirasolves, Director do Servicio de Xestión e Control da Calidad de Universidad Miguel Hernández.

O día 27 intervirá:

Adela d’Alós-Moner, Directora técnica de Doc6

Anteproxecto do plano xeral de xestión do desempeño dos servicios da Universidade de Vigo (documento feito pola Xerencia)

Ve-lo Documento en PDF